Во понеделник на 25.05.2009 г. во градот Перник, Р.Бугарија официјално беше пуштена во употреба новата Адингова фабрика за производство на дел од нашата производна програма - адитиви за бетони и малтери.

Фабриката се наоѓа во г.Перник, населба Караманица - Индустриска зона, на површина од 1800 м² , со производен простор од 500 м² и деловен простор од 200 м² и е изградена според најмодерните стандарди за квалитет и зачувување на животната средина.
На настанот бевме удостоени со присуство на значајни гости, а свои говори одржаа:

- Амбасадорот на Р. Бугарија во Р. Македонија, г-дин Михо Михов,
- В.Д. Амбасадорот на Р. Македонија во Р. Бугарија, г-ѓа Јадранка Чаушевска – Димов,
- Заменик градоначалникот на Општина Перник - Михаил Михајлов
- Градоначалник на Општина Ѓорче Петров, г-дин Сокол Митревски.

Веднаш по нив, збор зема иуправителот на Адинг – Бугарија и заменик генералниот директор на Адинг АД, Скопје, г-дин Петре Филипоски.

На крај, по говорот од страна нагенералниот директор и претседател на Управниот одбор на Адинг АД, Скопје, г-дин Благоја Дончев, свечено беше пресечена црвената лента и со стартот на зеленото копче се означи почетокот на производството на Адинг – Бугарија.

За атмосферата од настанот кликнететука.